Skip to Secondary Navigation Skip to Main Content

Current Domain

Ethiopiaለውጥ

Languages

በዚህ ክፍል ዉስጥ

የጥጃ አያያዝና አመጋገብ

ጥጆች በእንክብካቤ ማደግ አለባቸው። ምግብ፣ ንፁህ መጠለያና በቂ ሕክምና ያስፈልጋቸዋል። ጥጆች እንደተወለዱ ለ 4 ተከታታይ ቀናት እንገር እንዲመገቡ ይደረጋል። እንገር ቫይታሚንና ሌሎች ንጥረ ነገሮችን የያዘ ነው። በውስጡ ፕሮቲንና ስኳር በብዛት ይገኛል። እንገር የጥጃውን የምግብ አፈጫጨትና ፍጥነትን ይጨምራል። ጥጃው የተወለደው ከተዳቀለ ላም ወይም ጊደር ከሆነ ወዲያውኑ ለይቶ እንገር መመገብ ይቻላል። የተወለደው ጥጃ አገር በቀል ከሆነ ግን ለመለየት ስለሚያስቸግር በየዕለቱ ለተወሰነ ጊዜ ጠዋትና ማታ እንዲጠባ ይደረጋል።

ከ4 ተከታታይ ቀናት በኋላ እንገር ተቋርጦ ወተት መመገብ ይቻላል። የጥጃ ወተት አመጋገብ እንደሁኔታው ይለያያል። ወተትን አልቦ በጡጦ ወይም በመጠጫ መመገብ ይቻላል። ለተወሰኑ ሴኮንዶች ወይም ለአጭር ጊዜ ተለቀው እንዲጠቡ ማድረግ ይቻላል።

ለጥጆች መጠለያ አስፈላጊ ነው። መጠለያው ቋሚ ወይም ጊዜያዊ መሆን ይችላል። ይሁን እንጂ ሁሉም መጠለያዎች ንፁህ መሆን ይገባቸዋል። ለመኝታቸው የሳር ጉዝጓዝ መጠቀም አስፈላጊ ነው። ጉዝጓዙ በየሁለት ቀናት መለወጥ ይኖርበታል።

ጥጆችን በወቅቱ ከወተት ማላቀቅ ይገባል። በተለያዩ የምርምር ውጤቶች በተገኘው መሰረት ጥጆችን ከሁለት እስከ ሶስት ወራት በቀን 3 ሊትር ጠዋትና ማታ መመገብ ይቻላል። ወተቱን ለገበያ ማዋል ከተፈለገ ለ 60 ቀናት ብቻ 3 ሊትር ወተት ጠዋትና ማታ መመገብ አዋጭነት አለው። ይህም የሚሆነው ከተወለዱ ከ5 ቀናት ጀምሮ የኢንዱስትሪ ተረፈ ምርትን፤ ድርቆሽ በትንሽ በትንሹ እየሰጡ እንዲለማመዱ ከተደረገ ነው።

ጥጆችን የተቅማጥ በሽታ ያጠቃቸዋል። በሽታው የሚከሰተው በቫይረስ ሊሆን ይችላል። በተለይም አነስተኛ እንገር የተመገቡ፣ ያልፀዳ መጠለያ፣ ከመጠን ያለፈ ወተት መመገብና ንፅህና የጎደለው ውሃ ለበሽታው አስተዋፅኦ ያደርጋሉ። ኒሞኒያ እና ጥገኛ ትሎችም የጤና ችግር ያስከትላሉ። በወቅቱ አስፈላጊውን መደበኛ ክትባት መስጠት ህይወታቸውን ከበሽታ ይጠብቅላቸዋል።

 

0
No votes yet
እርስዎ የሚሰጡት ደረጃ: ማንም
© የቅጂ መብት 2001 - 2017 One Global Economy Corporation