Skip to Secondary Navigation Skip to Main Content

Current Domain

Ethiopiaለውጥ

Languages

2ኛ እርምጃ፦ ዘሮችን ያሰባስቡ

የዘር ባንኩ ሰራተኞች ዘሮቹን ሲያሰባስቡ በተደራጀና በጥንቃቄ መሆን አለበት፡፡ ገበሬዎችንም ትርፍ ያላቸዉን ዘር ሄደዉ መጠየቅ ይኖርባቸዋል፡፡ ገበሬዎች በመጀመሪያ ለራሳቸዉ የሚሆነዉን ያህል ሀር ሊይዙ ይገባል፡፡ ያለገበሬዉ ፈቃድ ምንም አይነት ዘር መወሰድ የለበትም፡፡

አንዳንድ አፅዋት የሚበቅሉት በቱበር ወይም በመግረዝ ሊሆን ይችላል፡፡ በመሆኑም እነዚህንም ማሰባሰብ ያስፈልጋል፡፡ የአካባቢዉ ገበሬዎች መቼ ተስማሚ ጊዜ እንደሚሆን ያዉቃሉ፡፡ ዘሮችን በሚያሰባስቡበት ወቅት እነዚህን ነገሮች ያስታዉሱ፦

ሀ. በአካባቢዉ በጠቃሚነታቸዉ የሚታወቁ ሰብሎችን የዱር ዕፅዋትንና በአካባቢዉ ብቻ የሚገኙ ተክሎችን ዘሮች ያስቀምጡ፡፡ የአካባቢዉ ገበሬዎች ምን ያህል መጠን ዘር ከእያንዳንዱ ዕፅዋት ማስቀመጥ እንደሚገባ ይነግሮታል፡፡

ለ. መሬቱ በመሸርሸር፣ በድርቅ ወይም በመራቆቱ የተነሳ ምርታማነት የሌለዉ ከሆነ ዘሮችን ከዱር ዕፅዋትና እንዲሁም ከአረሞችም ጭምር ማስቀመጥ አስፈላጊ ነዉ፡፡ ለምሳሌ አዲስ የድንችና የቲማቲም ዝርያዎች በዱር የሚበቅሉ ዝርያዎች ይኖርዋቸዋል፡፡

ሐ. ወደብዙ መስኮች በመሄድ ወይም ከተለያዩ ፍሬዎች ልዩ ልዩ ዝርያዎች ያላቸዉን ዘሮች በተቻለ መጠን ማሰባሰብ ያስፈልጋል፡፡ ምክንያቱም ዕፅዋት የተለያዩ አይነት ባህሪያት አሏቸዉ፤ አንዱ በሽታን የሚቋቋም ቢሆን ሌላዉ ተባይ መቋቋም ይችል ይሆናል፤ ሌላዉ ደግሞ ድርቅን የሚቋቋም ይሆናል፡፡ በመሆኑም የተለያዩ ዝርያዎችን በተቻለ መጠን ማሰባሰብ ይቻላል፡፡

መ. ጥሩና መጥፎ ከሚባሉ የዕፅዋት አይነቶች ሁሉ ዘሮችን ያስቀምጡ፡፡ ከጠንካራና ደካሞችም እንዲሁ፡፡ ምክንያቱም እርስዎ ያላጤኑት ጥቅም ሊኖራቸዉ ስለሚችል ነዉ፡፡ ከበሽተኛ ዕፅዋት የተገኙ ዘሮችን ግን አማራጭ ካላጡ በስተቀር እንዳይዘሩ፡፡

ሰ. ለአካባቢዎ በቅርብ ጊዜ የተዋወቁ ወይም አካባቢዎን የወረሩ ዕፅዋትን ዘሮችንም ያስቀምጡ፡፡ ምክንያቱም አንዳንድ ዕፅዋት በአዲስ የመብቀያ ስፍራ ሲገኙ የመላመድና ዝርያቸዉን የማሻሻል ባሕርይ ሊያመጡ ይችላሉ፡፡

 

0
No votes yet
እርስዎ የሚሰጡት ደረጃ: ማንም
© የቅጂ መብት 2001 - 2017 One Global Economy Corporation