Skip to Secondary Navigation Skip to Main Content

Current Domain

Ethiopiaለውጥ

Languages

በዚህ ክፍል ዉስጥ

  • ከቃለ መጠይቁ በፊት ማድረግ የሚገባዎት

ከቃለ መጠይቁ በፊት ማድረግ የሚገባዎት

ከቃለ መጠይቅ በፊት

በተቻለዎት መጠን ሊቀጠሩ ስለፈለጉት መሥሪያቤት / ድርጅት እና የሥራ መደብ ለመረዳት ጥረት ማድረግ፡፡ ለዚህ የሚጠቅም መረጃ የድርጅቱን ድህረ-ገፅ በማየት ወይም ከድርጅቱ ቢሮ በመጠየቅ ማግኘት ይቻላል፡፡ ይህን መረጃ መሠረት በማድረግ ሥራውን ለምን እንደፈለጉና ለሥራው ያለዎትን ተስማሚነት እና ጠቃሚ ሊሆን የሚችል ችሎታዎን (ክህሎትዎን) ለመረዳት ያስችልዎታል፡፡

ስለ ሥራ መደቡና ድርጅቱ ያገኙትን መረጃ በማገናዘብ ከጓደኛ ወይም ከቤተሰብ ጋር የቃለመጠይቅ ልምምድ ያድርጉ፡፡ በሚያደርጉት ልምምድ ቀጣሪዎን ሊጠይቁ የሚፈልጉትን ጥያቄም ማዘጋጀት ለቃለመጠይቁ ከቀረቡ ቀጣሪው ድርጅት ጥሩ ግምት ይኖረዋል፡፡

ለቃለመጠይቅ ሲሄዱ የመሥሪያ ቤቱን አድራሻ በትክክል ማወቅና በጊዜው (ማለትም 5-10 ደቂቃ) ቀደም ብሎ በቦታው መገኘት ይጠቅማል፡፡ ይህም በመንገድ ላይ በሚያጋጥሙ ችግሮች ምክነንያት ላለመዘጋየት ነው፡፡

 በቃለ መጠይቅ ሂደት/ ወቅት

ለቃለመጠይቅ ሲቀርቡ ተገቢው የአለባበስና የአቀራረብ ሥርዐት ሊኖርዎት ይገባል፡፡ ምክንያቱም አንድ ቀጣሪ መጀመሪያ የሚመለከተው የአለባበስና የአቀራረብ ሥረዓትዎን ግምት ውስጥ የሚያስገባ ስለሆነ ነው፡፡ ወንዶችና ሴቶች ሊከተሏቸው የሚገቡ ያለባበስ ሥርዓቶች የሚከተሉት ናቸው፡፡

ለወንዶች

  • ጠቆር ያለና አንድ ወጥ ቀለም ያለው ኮትና ሱሪ እንዲሁም ነጭ ሸሚዝ በ ክራቫት
  • ጫማው ፅዳቱን የጠበቀ
  • ፀጉርን ማስተካከልና ፂምን መላጨት
  • ማስቲካና ከረሜላን አለመብላት

ለሴቶች

  • ፅዳቱን የጠበቀ ጫማ
  • ጠቆር ያለ ኮትና ሱሪ/ ቀሚስ
  • ብዙ መኳኳል የለባቸውም
  • ትልቅ ቦርሳ አይያዝም
  • ጌጣጌጥ መብዛት የለበትም
  • ማስቲካና ከረሜላን አለመብላት

ለቃለመጠይቅ ሲቀርቡ የሚከተሉትን ማድረግ አይዘንጉ፡-

      • ስለራስዎ ያቀረቡትን ማመልከቻ ኮፒ ይዘው መቅረብ፣ማስታወሻ መያዝ ከፈለጉ መጻፊያ መያዝ
      • ለቃለመጠይቅ አድራጊዎች ሁሉ ሰላምታ መስጠት
      • ቃለመጠይቅ የሚያደርግልዎትን ሰው ዓይንዎን ሳይሰብሩ ፊት ለፊት ማየት፤ ግልጽ ሆኖ መመለስ፡፡
      • በትክክልና በጥሞና የሚጠየቁትን ጥያቄዎች እያዳመጡ ትክክለኛውንና እውነተኛውን መልስ መስጠት
      • የሚሰጡት መልስ ለድርጅቱ ሊያበረክቱ የሚመኙትንና የሚችሉትን እንዲሁም ለሥራው ያለዎትን ፍላጎት፣ ችሎታና በጎ አመለካከት ለመግለጽ መሞከር
      • ስለሥራ መደቡና ከድርጅቱ ያገኙትን መረጃ እንዲሁም በቃለመጠይቁ ወቅት የተረዱትን መነሻ በማድረግና በመጠቀም የራስዎን ጥያቄ ማቅረብ፡፡
      • በመጨረሻም ቃለመጠይቅ ላደረገለዎት ሰው ምስጋናዎትን ሰጥተው መሰናበት

       ከቃለመጠይቅ በኋላ

      የሥራ ማመልከቻዎን በመቀጠል ለተደረገልዎት ቃለመጠይቅ በማመስገን መልዕክት መላክ ጥሩ ነው፡፡

     

    5
    አማካይ: 5 (1 vote)
    እርስዎ የሚሰጡት ደረጃ: ማንም
    © የቅጂ መብት 2001 - 2017 One Global Economy Corporation