Skip to Secondary Navigation Skip to Main Content

Current Domain

Ethiopiaለውጥ

Languages

ቅን አስተሳሰብ

እርስዎ እና ቤተሰብዎ ስለትምህርት ያለዎት አመለካከት ጥሩ ከሆነ ልጆችዎ በትምህርታቸው እንዲጎብዙና የሚያደርጉትም ጥረት ከፍ እንዲል ይረዳቸዋል፡፡

ወላጆች ስለልጆቻቸው እንደሚያስቡ የሚገልፁበት የራሳቸው የሆኑ የተለያዩ መንገዶች ቢኖራቸውም ከዚህ በታች የተጠቀሱት ሊረዱ ይችላሉ፡፡

  • የልጅዎ የመጀመሪያ አስተማሪ እርስዎ ኖት
    ከማንም በላይ ልጆችዎን የሚያውቁና የሚወዱ እርስዎ ነዎት፡፡ በልጆችዎ ሕይወት ውስጥ ሁሌ ተሳትፎ አለዎት፡፡ የቤት ሥራ ከመርዳት ጀምሮ እስከ አስተማሪዎቻቸውን ማናገር ድረስ የእርስዎ ተሳትፎ ቢኖርበት ለልጆችዎ በጣም ጥሩ ነው፡፡
     
  • ከልጆችዎ ጋር የጠበቀ ግንኙነት ይኑሩዎት
    ልጅዎ በሚያድግበት ጊዜ ውሳኔዎችን በራሱ መወሰን አለበት፡፡ ከልጅዎ ጋር ስለ ምንም ነገር ማውራት ከቻሉ አንድ ነገር ከመወሰኑ በፊት የእርስዎን ምክር መጠየቁ ስለማይቀር በተሻለ መንገድ ሕይወቱንና ትምህርቱን እንዲመራ ሊረዱት ይችላሉ፡፡
     
  • ለልጅዎ ጊዜ ሰጥተው ያዳምጧት
    ልጆችዎ በተለይ በትንሽነታቸው ስለ ቀን ውሎአቸው ለእርስዎ ማውራት ስለሚፈልጉ ጊዜ ሰጥተው ይስሟቸው፡፡ እያደጉ ሲመጡ ግን ስለውሎአቸው ከርስዎ ጋር ማውራት ሊያቆሙ ስለሚችሉ እርሶ የተለያየ መንገድ እየፈጠሩ ሊያዋሯቸው ይሞክሩ፡፡
     
  • ልጆችዎን ያበረታቱ/ ያድንቁ
    ልጆችዎን ማበረታታት እንደወላጅነት ካለዎት ሥራ መካከል አንዱ ነው፡፡ ልጆችዎ ጥሩ ሥራ ሲሠሩ እንደተደሰቱባቸውና እንደኮሩባቸው ይንገሯቸው፡፡ ጥሩ ለመሥራት በትጋት ሲሞክሩም ካዩ ያበረታቷቸው፡፡  በሚያሳዩት ጥረት እንደተደሰቱና እንደኮሩ ይንገሯቸው፡፡

ልጆችዎ ትምህርታቸው ከከበዳቸው የቸገራቸውን ለማስረዳት ወደኋላ አይበሉ፡፡ ባይቸግራቸውም የሠሩትን የቤት ሥራ አብረው ይመልከቱ፡፡

በጠቅላላው ከልጅዎ ጋር ጥሩ ግንኙነት ካለዎት የልጆችዎ የትምህርት ስኬታማነት ላይ ትልቅ አዎንታዊ ሚና ይጫወታል፡፡ ያስታውሱ የእርስዎ ተሳትፎ ለልጆችዎ መልካም ዕድገት ወሳኝ ነው፡፡

2
አማካይ: 2 (1 vote)
እርስዎ የሚሰጡት ደረጃ: ማንም
© የቅጂ መብት 2001 - 2017 One Global Economy Corporation