Skip to Secondary Navigation Skip to Main Content

Current Domain

Ethiopiaለውጥ

Languages

በዚህ ክፍል ዉስጥ

ልጅን በማሳደግ ሂደት የተለመዱ ችግሮች

ለሕፃኑ እንክብካቤ ሲያደርጉ፣ ማወቅ ያለብዎት የተወሰኑ ነጥቦች አሉ፡፡ አዲስ ሕፃን ከሚያመጣቸው የተለመዱ ችግሮች መካከል የተወሰኑት የሚከተሉት ናቸው፡፡

ጃውንዲስ (የወፍ በሽታ)፡- የቆዳ እና ዓይን ቢጫ የመሆን ባህሪ ሲሆን በአበዛኛው ሕፃናት ላይ የተለመደ ነው፡፡ ልጅዎ ይህ ችግር እንዳለበት ለማወቅ የሕፃኑን አፍንጫ፣ ግንባር ወይንም አገጩን በትንሹ ጫን ብለው የእርስዎን ጣት ይመልከቱና ቢጫ መሆኑን ይዩ፡፡ ይህ በሽታ ብዙ ጊዜ ሕጻኑ ተወልዶ በመጀመሪያዎቹ 3-5 ቀናት የሚመጣ ሲሆን በጥቂት ቀናት ውስጥ የሚጠፋ ነው፡፡

ክሬድል ካፕ ፡- በሕፃኑ ራስ/ጭንቅላት ላይ ቀይና ሻካራ የተፈረፈረ ነጭ ቆዳ ሲሆን  በአብዛኛው  በ 3ኛው ወይንም በ4ኛው ሳምንት የሚታይ ነው፡፡ ይህ የሚሆነው በቆዳ ውስጥ የስብ/ቅባት መጠራቀምና የቆዳ ህዋሳት ራሳቸውን ሲያድሱ ነው፡፡ የሕፃኑን ጭንቅላት በሳሙና በማጠብና ቅባት በመቀባት ይህን ማስወገድ ይቻላል፡፡

የሕፃን ብጉር፡- ቀይ ብጉር/ ሽፍታ መሰል ጠቃጠቆ በልጁ ፊት ላይ ሊወጣ ይችላል፡፡ ይህም የሚሆነው በ 3 / 4 ሳምንት ውስጥ ነው፡፡ የልጁን ፊት ለስለስ ባለ ሳሙና በቀን አንዴ ይጠቡት፡፡ የልጁንም ልብስ በጠንካራ ሳሙና አይጠቡ፡፡

ትረሽ(የልጅ የጉሮሮ በሽታ) ፡-ይህ የተለመደ በአፍ አካባቢ የሚመጣ የምች በሽታ ነው፡፡ ለዚህ በሽታዶክተር በአፍ የሚወሰድ መድኃኒት ያዝለታል፡፡

የልብ መምታት  ፡- በልብ ትርታ መካከል የሚሰማ ድምፅ ነው፡፡ ይህ የተለመደ ሲሆን ምንም ዓይነት ሕክምና አያስፈልገውም፡፡

የዓይን ዕንባ ማመንጫ ቀዳዳ መደፈን ፡- ሕፃኑ ሲወለድ አንዱ ወይም ሁለቱም የዓይኖቹ እንባ ማመንጫ ተደፍነው ሊሆን ይችላል፡፡ በ2 ሳምንታት ውስጥ ይከፈታሉ፡፡

የአምብሊካል (የእትብት)ግራኑሉማ ፡- አብዛኛውን ጊዜ ህፃኑ ሲወለድ ከእትብቱ ሥር/ግንድ ለብቻው ሊያድግ ይችላል፡፡ በዚህ ጊዜ ሥሩ አካባቢ እርጥብ፣ ቢጫና ትንሽ የሚደማ አይነት እብጠት ሊያመጣ ይችላል፡፡  ዶክተሩ ሲልቨር ናይትሬትን ተጠቅሞ ሊያደርቀው ይችላል፡፡ ይህ ካልሆነ መለስተኛ ቀዶ ህክምና ሊደረግለት ይችላል፡፡

አምብሊካል (የእትብት) ኸርኒያ ፡- ይህ ማለት በሆድ ግድግዳ አካባቢ ያለ ቀዳዳ ሲሆን ከፍተኛ ግፊት ሲኖር የሰውነት ህዋሳት እንዲያብጥና ወደውጭ እንዲወጣ ያደርገዋል፡፡ ነገር ግን ከ 12-18 ወራት ውስጥ እራሱን በራሱ ያድናል፡፡ ከእነዚህ ምልክቶች ውስጥ አንዱን ቢያገኙ ዶክተርዎን ያማክሩ፡፡ በቤት ውስጥ የሚሠሩ ባህላዊ መድኃኒቶችን ከመጠቀም ይቆጠቡ፡፡

3
አማካይ: 3 (2 votes)
እርስዎ የሚሰጡት ደረጃ: ማንም
© የቅጂ መብት 2001 - 2017 One Global Economy Corporation