Skip to Secondary Navigation Skip to Main Content

Current Domain

Ethiopiaለውጥ

Languages

በዚህ ክፍል ዉስጥ

ምጥና መውለድ/ ወሊድ

ምጥና መውለድ/ ወሊድ

በእርግዝና የመጨረሻዎቹ ሳምንታት ወቅት የማህፀን ቱቦ አካባቢ የመውጋትና የህመም ስሜት ሊሰማዎት ይችላል። ይህ ህመም ብራክስተን ሂክስ (የጡንቻ መኮማተር ወይም የተሳሳተ ምጥ) በመባል ይታወቃል፡፡ይህ የተሳሳተ ምጥ ከእውነተኛው ምጥ ጋር ሊጋጭ ይችላል፡፡ በዚህም ጊዜ ትክክለኛውን ምጥ ለማወቅ አስቸጋሪ ሊሆን ይችላል፡፡

ሀኪምዎን ማማከር ያለብዎት ነጥቦች፡-

  • በምጥ ጊዜ ከ30-70 ሰከንድ ልዩነት ውስጥ የተደጋገመ እና የተጠናከረ የማህፀን ጡንቻ መኮማተር
  • በታችኛው የጀርባ ክፍል የሚሰማ ውጋት
  • ወፈር ያለ ትልቅ የደም ቋጠሮ (ቡኒ ወይም ደም ንክር) ከታየዎት 

የሁሉም ሴት የወሊድ ሁኔታ ይለያያል፡፡ ሆኖም ምጥ በ 3 ደረጃዎች ይከፈላል፡፡

የመጀመሪያ ደረጃ

አብዛኛውን  ጊዜ ይህ ደረጃ ለረጅም ሰዓት ይቆያል፡፡ የማህፀን አፍ/ አንገት ሲከፈት  ደም አዘል ፈሳሽ መግል ከብልት ውስጥ ይወጣል፡፡ ይህ ወደማለቂያው አካባቢ የጡንቻ መኮማተር  ረጅምና ጠንካራ እየሆነ ይሄዳል፡፡

የሁለተኛው ደረጃ

አሁን የማህፀን አፍ ሙሉ በሙሉ ይከፈታል፡፡ ሕፃኑ ወደታች ሲወርድ እርዳታን ይፈልጋል፡፡ ሕፃኑ እስኪወለድ ድረስ ማማጥዎን አያቆሙም፡፡ የመጀመሪያ ልጅዎ ከሆነ ምጥዎ 2 ሰዓትና ከዛ በላይ ሊፈጅ ይችላል፡፡

ሦስተኛ ደረጃ

ሕፃኑ ከተወለደ በኋላ የተወሰነ የማህፀን ጡንቻ መኮማተር ይሰማዎታል እና የዕምብርቱ ማገናኛ ገመድ ይወጣል፡፡ ሕፃኑ ሳይወለድ በፊት የሚሰማዎት የጡንቻ መኮማተር ህፃኑን ከወለዱ በኋላ ተመሳሳይነት ቢኖረውም ብዙ ህመም የለውም፡፡ ይህም የተወሰነ ደቂቃ ከ 15 እስከ 20 ደቂቃ ሊቆይ ይችላል፡፡

ልጅዎን ከወለዱ በኋላ ሐኪሞቹ የጠበቀ ክትትል ያደርጉሉዎታል፡፡ ምንም ዓይነት ችግር እንደሌለ ለማረጋገጥ የሰውነትዎን የሙቀት መጠን፣ አተነፋፈስዎን እና የደም ግፊትዎን በደንብ ይከታተላሉ፡፡ ከዚህ በኋላ ልጅዎን ይዘው ለማጥባት ዝግጁ ከሆኑ መጀመር ይችላሉ፡፡

 

3
አማካይ: 3 (6 votes)
እርስዎ የሚሰጡት ደረጃ: ማንም
© የቅጂ መብት 2001 - 2017 One Global Economy Corporation