Skip to Secondary Navigation Skip to Main Content

Current Domain

Ethiopiaለውጥ

Languages

በዚህ ክፍል ዉስጥ

በእርግዝና ወቅት ምንን ማስወገድ አለብዎት

ከአረገዙ በኋላ ማራቅ ያለብዎት ነገሮች ብዙ ናቸው፡፡
ሲጋራ ማጨስ ያቁሙ፡- በእርግዝና ወቅት ሲጋራ የሚያጨሱ ከሆነ ፅንሱ በማህፀን ውስጥ እንዳለ የመሞት ዕድሉ ከፍተኛ መሆን፣ ያለጊዜው መወለድና የመሳሰሉት ችግሮች ይገጥሙታል፡፡

አልኮል አይጠጡ፡- በእርግዝና ወቅት አልኮሆል መጠጣት የማይድን በሽታ በህፃኑ ላይ ሊያመጣ ይችላል፡፡ ለምሳሌ የአእምሮ ዘገምተኝነት ሊመጣበት ይችላል፡፡

አደንዛዥ ዕፅ አይጠቀሙ፡- እንደ ማሪዋና፣ ኮኬን፣ ሔሮይን የመሳሰሉትን ከወሰዱ  ፅንሱ በማህፀን ውስጥ እንዳለ ሊሞትና፣ ያለ ጊዜው ሊወለድ ይችላል፡፡  እንዲሁም ሕፃኑ ነገሮችን በቶሎ የመማር ችግር እንዲሁም ሲወለድ የአደንዛዥ ዕፅ ሱሰኛ ሆኖ ሊወለድ ይችላል፡፡ ይህን ሱስ ለማቆም ካልቻሉ ዶክተርዎን ያማክሩ፡፡

የቡና፣ ሻይ፣ ኮካ ኮላ፣ እና ቸኮላት የመሳሰሉትን መጠን ይቀንሱ፡፡

ጥሬ ምግቦችን ለምሳሌ ጥሬ ስጋ፣ ያልበሰለ አሣና ዶሮ፣ የመሳሰሉትን ፈፅሞ አይመገቡ፡፡

አደገኛ አሲድ ከሆኑ ኬሚካሎች ለምሳሌ ፍሊት፣ ቀለም ሽታ፣ የማጣበቂያ መርዞችና አንዳንድ የፅዳት ዕቃዎች (በአብዛኛው ክዳናቸው ላይ ምልክት አላቸው) ይራቁ፡፡ እነዚህ ኬሚካሎች ሕፃኑን የበለጠ የመጉዳት አቅማቸው ከፍተኛ ነው፡፡ ለበለጠ መረጃ ሃኪምዎን ያማክሩ፡፡

በጣም ሙቅ የሆነ ሻወርና ሳውና ባዝ አይጠቀሙ፡፡ ይህ ፅንስን የመግደል ወይም ካለጊዜው የመወለድ ችግርን ያመጣል፡፡ እንዲሁም በቤት ውስጥ ድመት ካለ የድመቷን ቆሻሻ ለመጥረግ ወይም ድመቷ የነበረችበት የአታክልት ቦታ ሲያፀዱ በጣም መጠንቀቅ ያስፈልጋል፡፡ከተቻለ አፍንጫዎንና እጆችዎን ሸፍነው ይሥሩ ምክኒያቱም ኢንፌክሽን ስለሚያመጣብዎት የመውለድ ችግር ሊያስከትልብዎት ይችላል፡፡

 

3.8
አማካይ: 3.8 (5 votes)
እርስዎ የሚሰጡት ደረጃ: ማንም
© የቅጂ መብት 2001 - 2017 One Global Economy Corporation