Skip to Secondary Navigation Skip to Main Content

Current Domain

Ethiopiaለውጥ

Languages

በዚህ ክፍል ዉስጥ

ጤናማ የምግብ አሸማመት

ጤናዎን መሠረት አድርገው ምግብዎን ከሸመቱ ጤናዎን ጠብቀው ወጪዎን መቀነስ ይችላሉ፡፡ የምግብ ሸቀጥዎን ከየት መግዛት እንዳለብዎት በማወቅ፣ምግብ ላይ የሚለጠፉ ዝርዝሮችን ለማንበብ እና ምግቦትን ለጤና በሚበጅ መልኩ ለማዘጋጀት ከዚህ በታች ያሉትን ይመልከቱ

ያልዋለ ያላደረ ምግብ ይግዙ

በአብዛኛው ግሮሰሪዎችና አትክልት ቤቶች ትኩስ (ያልቆዩ) አትክልትና ፍራፍሬዎችን ይይዛሉ፡፡ በተቻለዎት መጠን ከታሸጉ አትክልትና ፍራፍሬዎች ይልቅ እነዚህን ይግዙ፡፡ አትክልትና ፍራፍሬዎችን ከመንገድ ገበያዎች (ጉሊቶች) ሲገዙ በደንብ አይተው ይሁን፡፡ ያልታሸጉ አትክልትና ፍራፍሬዎች ሲገዙ ከመመገብዎ በፊት በተገቢ ሁኔታ ይጠቧቸው፡፡
ግቢ ካለዎት አትክልትና ፍራፍሬ ራስዎ ሊያበቅሉ ይችላሉ፡፡ ከጎረቤቶችዎ ጋር በመሆን በጋራ የምትጠቀሙበት አነስተኛ እርሻ ማዘጋጀት ይችላሉ፡፡ በደንብ ከተደራጁ ያካባቢዎን ሰው ሁሉ ሊያበላ የሚችል አነስተኛ እርሻ በቀላሉ ሊፈጥሩ ይችላሉ፡፡

ገበያ ሲወጡ ገንዘብዎን ይቆጥቡ

ከዚህ በታች የተጠቀሱትን በመከተል ለምግብ ገበያ ሲወጡ ገንዘብ መቆጠብ ይችላሉ፡፡

  • ለሳምንት የሚበሉትን ቀድመው በማቀድ ገበያ ሲወጡ የሚያስፈልግዎትን ሁሉ ፅፈው ይያዙ
  • የተሻለ ዋጋ  ሊየገኙ የሚችሉባቸው ቦታዎች አስቀድመው ይወቁ
  • ገበያ ሲወጡ የማያስፈልግዎትን ነገር ከመግዛት ይቆጠቡ
  • ሁል ጊዜ የሚገዟቸውን የምግብ ውጤቶች ዋጋ ይመዝግቡ፡፡ ዋጋ ለማወዳደር ይረዳዎታልና
  • በብዛት በመግዛት ዋጋ ላይ ቅናሽ የሚያገኙ ከሆነ ይጠቀሙ፡፡ የተረፈውን ምግብ አሽገው በማስቀመጥ ቆይተው ይመገቡታል፡፡
  • በተለያዩ የገበያ ቦታዎች በመሄድ ዋጋ ያወዳድሩ

 ለጤናዎ ተስማሚ የሆነ ምግብ መምረጥ

ገበያ ሲወጡ ለጤናዎ ተስማሚ የሆነ ምግብ ለመምረጥ የሚከተሉትን ዘዴዎች ይጠቀሙ፡፡

  • በምግቡ ላይ የተለጠፈ ምግብ ይዘት ካለ በጥሞና አንብበው ለጤናዎ ጥሩ መሆኑን ያረጋግጡ
  • ሥጋ በሚገዙበት ጊዜ ጮማ የሌለውን ይምረጡ
  • የዶሮ ስጋ ከበሬ እና የአሳማ ሥጋ ያነሰ ቅባት (ስብ) አለው፡፡ በተለይ የዶሮ ቆዳው ከተነሳ የቅባት መጠኑ ይቀንሳል፡፡
  • ሰው ሠራሽ ከሆኑ ውጤቶች የተሠሩ ጭማቂዎች ውሃና ስኳር ይበዛቸዋል፡፡ ስለዚህ ትክክለኛ (ተፈጥሮአዊ) ጭማቂዎችን ይግዙ፡፡
  • ከነጭ ስንዴ ከተሰሩ ዳቦዎች ይልቅ የገብስ እና የቫይታሚን ቢ ና ብረት መጠናቸው ከፍ ያሉ ዳቦዎችን ይግዙ፡፡
  • የታሸጉ ወይም በፋብፊካ የተመረቱ ምግቦች በብዛት አይግዙ፤ በውስጣቸው ሶዲየም እና የማቆያ ኬሚካሎች በብዛት ስለሚይዙ፡፡

 

0
No votes yet
እርስዎ የሚሰጡት ደረጃ: ማንም
© የቅጂ መብት 2001 - 2017 One Global Economy Corporation