Skip to Secondary Navigation Skip to Main Content

Current Domain

Ethiopiaለውጥ

Languages

በዚህ ክፍል ዉስጥ

ፖስትፓርተም ዲፕሬሽን

ከ70-80 በመቶ የሚሆኑ ሴቶች ከወሊድ በኋላ (ቤቢ ብሉ) የሚባለው ስሜት ይሰማቸዋል፡፡ ይህም የመከፋት የመጨነቅና የመደበር ስሜት ነው፡፡

ፖስትፓርተም ዲፕሬሽን ምንድን ነው?

ከወሊድ በኋላ ሰውነትዎ የሆርሞን ለውጥ፣ ጭንቀትና ድካም እንዲሁም በቂ እንቅልፍ የማጣት ስሜት ይሰማዎታል፡፡ የፍርሃት የመጨነቅና የመደበር ስሜት ለተወሰኑ ቀናት የተለመደ ነው፡፡ ነገር ግን አንዳንድ ሴቶች ይህ ስሜት ሊቆይባቸው ይችላል፡፡ አስፈላጊ ክትትል ካልተደረገ ሳምንታትና ወራት ድረስ ሊቀጥል ይችላል፡፡

የዚህ በሽታ ምልክቶች ምን ምን ናቸው?
ለዚህ በሽታ መታወቅ የዶክተር ምክር ያስፈልግዎታል፤ ነገር ግን ምልክቶቹ ከሰው ሰው ስለሚለያዩ ከሌሎች ሴቶች ጋር ለማነፃፀር አይሞክሩ፡፡

  • የማዘን ስሜት፣ ተስፋ የመቁረጥ፣ረዳት የማጣት ወይም የመሸነፍ ዓይነት ስሜት
  • የመዳከም፣ ባዶነት፣ማዘን ወይም የማልቀስ ስሜት
  • የጥፋተኝነት ስሜት፣ ማፈር ወይም መርበትበት
  • ሕፃኑን ላለመጉዳት ፍራቻ
  • ወደ ዉጭ የመውጣት ፍርሃት ወይንም ብቸኝነት ስሜት
  • ማንኛውም ዓይነት ማህበራዊ ግንኙነት ፍላጎት ማጣት
  • ትንሽ እንቅልፍ ወይንም እስከ ጭራሹ እንቅልፍ ማጣት
  • ትንሽ መብላት ወይም ጨርሶ አለመብላት
  • ኃይል ማጣት
  • ጥርት አድርጎ አለማሰብ ወይም ውሳኔ መወሰን አለመቻል
  • ከኃላፊነት ሽሽትን መመኘት (ማለም)
  • ልጅን የመጉዳት ሃሳብ

የዚህ መድኃኒት ምንድን ነው?

ከላይ ከተጠቀሱት ውስጥ የሚሰማዎት ስሜት ካለ ሐኪም  ዘንድ ይደውሉ፡፡ እንዲሁም ሕይወትዎ ውስጥ ሌሎች ለዎጦች ካሉ ለምሳሌ ፍቺ ወይንም የሥራ ለውጥ፣ የመኖሪያ ለውጥ፣ እንዲሁም የቅርብ ሰው በሞት ሲለይዎት ሐኪምዎን ያማክሩ፡፡ እነዚህ ስሜቶች  ከሁለት ሳምንት በላይ ከቆየብዎትና እራስዎን የማጥፋት ስሜት ወይንም ልጁን የሚጎዱት መስሎ ከታየዎት ዶክተሮን  ይደውሉለት፡፡ ዶክተሩ መድኃኒት ሊሰጥዎትና በበለጠ ሁኔታ ሊረዳዎት ወደሚችል ሰው ሊመራዎት ይችላል፡፡

ቤተሰብዎ እና ጓደኛዎም ሊረዱዎት ይችላሉ፡፡ እርስዎ እረፍት ሲያደርጉ ሕፃኑን የሚጠብቅልዎት እና የቤት ውስጥ ሥራዎችን የሚረዳዎትን ሰው እርዳታ ከመፈለግ ወደኋላ አይበሉ፡፡

5
አማካይ: 5 (1 vote)
እርስዎ የሚሰጡት ደረጃ: ማንም
© የቅጂ መብት 2001 - 2017 One Global Economy Corporation