Skip to Secondary Navigation Skip to Main Content

Current Domain

Ethiopiaለውጥ

Languages

ሬቢስ

ሬቢስ ከእንስሳት ወደሰው ምራቅ (ለሀጭ) ውስጥ በሚገኝ ቫይረስ አማካኝነት የሚተላለፍ ለሞት ሊዳርግ የሚችል በሽታ ነው፡፡ አብዛኛውን ጊዜ ይህ በሽታ የሚተላለፈው በእብድ ውሻ ንክሻ ነው፡፡፡ ይህን ስንል ግን ያበደ ውሻ ብቻ ያስተላልፍብናል ማለት አይደለም፡፡ ክትባት ያልወሰደ የቤት እንስሳ ካለንና ያም እንስሳ ሬቢስ ባለበት አይጥ ወይም አካባቢያችን ውስጥ ባለ ማንኛውም እንስሳ መነከስ ከደረሰበት የበሽታው አስተላላፊ ይሆናል፡፡

 

ሬቢስ የያዘው እንስሳ አብዛኛውን ጊዜ ስናየው እራሱ በሽተኛ መሆኑ ያስታውቃል፡፡ የተለመዱት ምልክቶቹም፤ እንስሳው በአፉ ዙሪያ አረፋ መሰል ነገር ይወጣል፣ ለሀጩ ይዝረከረካል፣ እናም በጣም የተዳከመ መስሎ ይታያል፡፡

 

ሬቢስ ባለበት እንስሳ የተነከሰ ሰው ወዲያው በሬቢስ የመያዙ ምልክት አይታይበትም፡፡ ምልክቶቹ ለመታየት ከ 20 እስከ 60 ቀናት ይወስዳሉ፡፡ ከብዙ ወራት እስከ አመት ቆይታ በኋላም ምልክቶቹ የሚታዩበት ጊዜ አለ፡፡ የመጀመሪያዎቹ ምልክቶች የአፍንጫ መደፈን፣ እራስ ምታት፣ ድካም፣ የምግብ ፍላጎት መቀነስ እና ትኩሳት በመሆናቸው ብዙ ሰዎች ከጉንፋን ጋር ያምታቱታል፡፡ የንክሻው ቁስል ከዳነም በኋላ ንክሻው ቦታ ላይ የማሳከክና የቁስል ህመም ሊሰማ ይችላል፡፡ የእንቅልፍ ማጣትም ይከሰታል፡፡ የበሽታው ምልክቶች ቀስ በቀስ ወደ መረበሽ፣ በጣም መነጫነጭ ፣ የጡንቻ መሸማቀቅ፣ እና ለጠብ መጋበዝ ያመራሉ፡፡ ይህም የሚሆነው ቫይረሱ የአንጎልን የተለያዩ ክፍሎች በማጥቃት የተነከሰው ሰው የራሱን ሰውነትና ስሜቱን እንደፈለገው እንዳይቆጣጠረውና እንዳያዘው ስለሚያደርገው ነው፡፡ እዚህ ደረጃ ላይ በሚደረስበት ወቅት አብዛኛዎቹ በሽተኞች የውሃ ፍርሃት ያድርባቸዋል፡፡ የሚያሳዝነው ነገር በሽታው እዚህ ደረጃ ላይ ሳይታከም ከደረሰ መጨረሻው ሞት ብቻ ነው፡፡

 

ሬቢስ በጣም የተለመደ በሽታ ባሆንም፤ ለማከም ግን በጣም አዳጋች ነው፡፡ በውሻ ወይም ሌላ እንስሳ የመነከስ አደጋ ከደረሰብዎት በተቻለ ፍጥነት የሕክምና እርዳታ ማግኘት ግድ ይላል፡፡ የሚቻል ከሆነም የተናከሰው እንስሳ ተይዞ ሬቢስ እንዳለበት ቢጣራም ጥሩ ነው፡፡ ከተነከሱ በኋላ በፍጥነት ከታከሙና ከዚያም በመቀጠል የሚታዘዝልዎትን ተከታታይ ክትባቶች በስርዓቱ ከተከታተሉት፤ በሬቢስ ከመያዝ ሊያመልጡ ይችላሉ፡፡

 

እንደሚታወቀው በሀገራችን ኢትዮጵያ በየዓመቱ የቤት እንስሶችን(በተለይ ውሾችን) እንዲያስከትቡ ዘመቻ ይካሄዳል፡፡ ይህንንም ማድረግ አይዘንጉ፡፡

 

የእራስዎንም ሆነ የጎረቤትዎን ልጆች እንዲሁም ሌሎች የቤተሰብዎን አባላት የቤት እንስሶቾን በማስከተብ ከሬቢስ ይታደጓቸው፡፡
 

5
አማካይ: 5 (1 vote)
እርስዎ የሚሰጡት ደረጃ: ማንም
© የቅጂ መብት 2001 - 2017 One Global Economy Corporation