Skip to Secondary Navigation Skip to Main Content

Current Domain

Ethiopiaለውጥ

Languages

ከፍተኛ የደም ግፊት

የደም ግፊት ምንድን ነው?

በደም ዝውውር ወቅት የደም ወሳጅ (አርተሪ) ግድግዳዎች ላይ ግፊት ሲፈጠር ነው፡፡ በማንኛውም ጊዜ የአንድ ሰው ደም ግፊት ሊጨምርና ሊቀንስ ይችላል፡፡ ግን ለአንዳንዶች ሁል ጊዜ ከፍተኛ ነው፡፡ እነዚህ ሰዎች ናቸው ከፍተኛ የሆነ የደም ግፊት አለባቸው የሚባሉት፡፡

ከፍተኛ የደም ግፊት ወይም ሃይፐርቴንሽን በልብዎ ላይ ከፍተኛ ጉዳት ሊያመጣ ይችላል:: በተጨማሪም ዓይን እና ኩላሊት ላይ ጉዳት ሊያደርስ ይችላል፡፡ በልብ ድካም ወይም ስትሮክ በመሳሰሉት የልብ በሽታዎች በቀላሉ እንዲጠቁ ያደርጎታል፡፡

ስለዚህ ምልክቶቹ ምን ምን ናቸው?

ከፍተኛ የደም ግፊት እንዳለቦት ሳይታወቅ እስከ 4 ዓመት ድረስ ሊቆይ ስለሚችል 'ዝምተኛ ገዳይ' በመባል ይታወቃል፡፡ በእርግጥም በኢትዮጵያ ውስጥ ከፍተኛ የደም ግፊት ያለባቸው አብዛኛቹ በሽታው እንዳለባቸው አያውቁም፡፡ በሽታው እንዳለብን ለማወቅ ብቸኛው አማራጭ የደም ግፊታችንን በየጊዜው መለካት ነው፡፡

እንዴት መከላከል ወይም ማከም ይቻላል?

በሚገርም ሁኔታ የደም ግፊትን ለመከላከልም ሆነ ለማስታመም መከተል ያለቦት መንገዶች አንድ አይነት ናቸው፡፡ ከሁሉም መጀመሪያ የሚቀድመው በአመት አንድ ጊዜ የደም ግፊቶን መለካት ነው፡፡ በሁሉም ሰው የሕይወት ጊዜ ውስጥ ዕድሜ በጨመረ ቁጥር የደም ግፊትም ስለሚጨምር መመርመሩ በጣም አስፈላጊ ነው፡፡ ከዚህ በተጨማሪ ቀጥሎ ያሉትን ቢከተሉ ተመራጭ ነው፡-

  • በየጊዜው ስፖርት ይስሩ
  • ማጨስና መጠጣት ያቁሙ
  • ጤናማና ጨው የሌለው ምግብ ይብሉ
  • የመጨናነቅ ስሜትዎን ይቀንሱ
  • የሰውነትዎን ውፍረት ይቆጣጠሩ

 

2.166665
አማካይ: 2.2 (6 votes)
እርስዎ የሚሰጡት ደረጃ: ማንም
© የቅጂ መብት 2001 - 2017 One Global Economy Corporation