Skip to Secondary Navigation Skip to Main Content

Current Domain

Ethiopiaለውጥ

Languages

የእራስ ምታት

አልፎ አልፎ የሚያጋጥሙ የእራስ ምታቶችን እንደ አስፕሪንና ፓናዶል የመሳሰሉ መድኃኒቶችን በመውሰድ እናስታግሳቸዋለን፡፡ ከባድ የእራስ ምታት ከያዘዎትና ፊትዎ፣ ጉንጭዎና አይንዎ ዙሪያ ያለው የሰውነቶ አካል ድርቅ ካለና እንደ ቁስል ከተሰማዎት ችግርዎ ሳይነስ  የሚባለው በሽታ ሊሆን ይችላል፡፡ ተደጋጋሚና በጣም ከባድ የእራስ ምታት ካለብዎት ደግሞ ትልቁ የእራስ ምታት ወይም ማይግሬን እየያዞት ሊሆን ይችላል፡፡

የማይግሬን እራስ ምታት ከተለመደው እራስ ምታት በጣም በከፋ መልኩ ያማል፡፡ እንደ ማይግሬን አይነት የተለያየ አይነት ህመም ሊሰማዎት ይችለላል፡፡ የጭንቅላቶ አንድ ክፍል ብቻ በጣም እያመሞት ማጥወልወል፣ ትውከትና ድካም ሊሰማዎት ይችላል፡፡ እንደዚህ አይነቱ ማይግሬን እራስ ምታት ልክ ሊጀምር ሲል የብርሃን ብልጥታ ይታያል፡፡ ጭንቅላቶ በጠቅላላ በጣም ሊያሞት ይችላል ወይም አንድ አይኖ ዙሪያ በየቀኑ ወይም በጣም በተደጋጋሚ ከባድ ህመም ሊሰማዎት ይችላል፡፡

ማይግሬን እራስ ምታት ይዞኛል ብለው ከጠረጠሩ የሀኪም እርዳታ ይጠይቁ፡፡ ለዚህ በሽታ የሚሆን መድኃኒት አዞልዎት ሊያሽልዎት ይችላል፡፡

ማይግሬን እራስ ምታት በሚጀምርዎት ወቅት ጨለም ብሎ ፀጥ ባለ ክፍል ውስጥ ይተኙ (ይረፉ)፡፡ በቂ እንቅልፍ ማግኘትዎንም ያረጋግጡ፡፡

እንደ ቸኮሌት፣ የአልኮል መጠጦች እና ለስላሳ መጠጦች ያሉትን ምግብና መጠጥ ከመውሰድ ይቆጠቡ፡፡ በየቀኑ ብዙ ውሃ ይጠጡ፡፡

የሚከተለው ሁኔታ ከተከሰተ ግን ወደ ሀኪም ቤት ሄደው የሐኪም እርዳታ ያግኙ፡-

  • መድኃኒት ቢወስዱበትም ለሳምንት ያህል ምንም አልሄድ ያለ የእራስ ምታት ካለብዎት
  • መናገር ካቃትዎት ወይም ቃላት በደምብ አልወጣ ካለዎት፣ በጣም ድካም ከተሰማዎት ወይም እጅና እግርዎ ከራዱ (በጣም ከደከሙ) በአፋጣኝ ወደ ቅርብ ያለ ሆስፒታል የድንገተኛ ህሙማን ክፍል መሄድ ይኖርብዎታል፡፡

 

5
አማካይ: 5 (1 vote)
እርስዎ የሚሰጡት ደረጃ: ማንም
© የቅጂ መብት 2001 - 2017 One Global Economy Corporation