Skip to Secondary Navigation Skip to Main Content

Current Domain

Ethiopiaለውጥ

Languages

ትኩሳት

ትኩሳት

አብዛኛውን ጊዜ ትኩሳት ሲይዘዝዎት ትርጉሙ በሰውነትዎ ውስጥ የሆነ ዓይነት ኢንፌክሽን (መመረዝ አይነት) ኖሮ ሰውነትዎ ደግሞ ያን ኢንፌክሽን እየተዋጋው ነው ማለት ነው፡፡ ትኩሳት ለአንድ ነገር አለርጂክ በመሆን፤ ለሰውነታችን ተስማሚ ያልሆኑ መድኃኒቶችን በመውሰድ፣ ወይም ፀሐይ ላይ ብዙ በመቆየት ሊነሳ ይችላል፡፡ ትኩሳትን ለማብረድ መድኃኒቶች ቢኖሩም ዶክተር  ዘንድ መሄድ እንዳለብዎት ለማረጋገጥ ግን የሰውነትዎ ሙቀት ምን ያህል እንደሆነ ማወቅ ያስፈልጋል፡፡ አቅም የሚፈቅድ ከሆነ የሰውነት ሙቀት መለኪያ ቴርሞሜትር ገዝቶ ከቤትዎ ማኖር ተመራጭ ነው፡፡

የትኩሳት ምልክቶች

  • ቆዳዎ ሲነካ በጣም ትኩስ ከሆነ
  • ፊትዎ ከቀላ (ደም ከመሰለ)
  • የሰውነት እና የጭንቅላት ህመም
  • ብርድ ብርድ ማለት ወይም ቀዝቃዛ ላብ ማላብ
  • የሆድ ህመም (ማጥወልወል)
  • ድካም ሲሰማዎት (ዥው ሲልብዎት)
  • ምንም ዓይነት የምግብ ፍላጎት ከሌሎት
  • ተቅማጥ

ትኩሳትን እንዴት ማከም ይችላሉ?

  • እንደ ፓናዶል ወይም አስፕሪን ያሉ የሰውነት ሙቀትን ሊቀንሱ የሚችሉ መድኃኒቶችን ይውሰዱ
  • ቀዝቀዝ ያለ እርጥብ ጨርቅ ሰውነትዎ ላይ ማድረግ ይመከራል፡፡

የሚከተሉት ሁኔታዎች ከተከሰቱ ግን ወደ ሀኪም ቤት ሄደው እርዳታ ያግኙ

  • ከሁለት ቀናት በላይ የሰውነትዎ ሙቀት ከ 38 ዲግሪ ሴንቲግሬድ በላይ ከሆነ
  • መቆጣጠር የማይችሉበት ዓይነት የሰውነት መንቀጥቀጥ ሲገጥሞት
  • ከባድ ድካም ከተሰማዎት
  • ለመተንፈስ እጅግ ሲቸገሩ
  • ጉሮሮ (አንገቶ) ንፍትፍት ያለ ከመሰለዎት
  • ሽፍታ ከጀመሮት
  • አልጠፋ ያለ የጉሮሮ ወይም የጆሮ ህመም ካለዎትና ማስታወክ ከጀመሩ
  • ብዙ የሚሸኑ ከሆነ ወይም በሚሸኑ ጊዜ ብልትዎን ካመሞት ወይም ካቃጠሎት

 

2.2
አማካይ: 2.2 (5 votes)
እርስዎ የሚሰጡት ደረጃ: ማንም
© የቅጂ መብት 2001 - 2017 One Global Economy Corporation